უკრაინა მკვდარი რუსი ჯარისკაცების ფოტოებს ხელოვნური ინტელექტის დახმარებით მათ დედებს უგზავნის

მას შემდეგ, რაც რუსეთმა უკრაინაში ომი დაიწყო ოკუპანტმა ქვეყანამ 20 000-ზე მეტი სამხედრო დაკარგა. გავრცელდა ინფორმაცია, რუსები საკუთარ მკვდრებს ფრონტის ხაზზე ტოვებენ და მათ გვამებს ქვეყანაში არ აბრუნებენ.

როგორც Washington Post წერს,  იმისათვის, რომ რუსეთის მოსახლეობამ თვალი რეალობას გაუსწოროს  უკრაინელი ჯარისკაცები, Clearview Ai-ს სახის ამომცნობი ხელოვნური ინტელექტის დახმარებით, მკვდარი რუსი ჯარისკაცების ფოტოებს მათ დედებს უგზავნიან.

Clearview AI სახეების ამოსაცნობად სოციალურ ქსელებსა და ინტერნეტში განთავსებულ 20 მილიარდზე მეტ ფოტოს იყენებს.