უკრაინა აცხადებს, რომ რუსული ჯარები კიევიდან და ჩერნიგოვიდან გადიან

უკრაინის შეიარაღებული ძალების გენერალურმა შტაბმა განაცხადა, რომ რუსეთის შეიარაღებული ძალების „გარკვეული ქვედანაყოფები" გადიან საბრძოლო ფრონტებიდან დედაქალაქ კიევისა და ჩრდილოეთის ქალაქ ჩერნიგოვიდან. ამის შესახებ CNN წერს.

„რუსმა მტერმა ვერ მიაღწია შეტევითი ოპერაციის მიზანს”, - ნათქვამია განცხადებაში.

თუმცა, შტაბში ასევე აღნიშნავენ, რომ არსებობს რუსული ჯარების სამხედრო და სამოქალაქო ინფრასტრუქტურაზე თავდასხმის „მაღალი რისკი".

„რუსეთის შეჭრის 34-ე დღეს უკრაინული "გმირული" წინააღმდეგობა "აწარმოებს თავდაცვით ოპერაციას აღმოსავლეთ, სამხრეთ-აღმოსავლეთ და ჩრდილო-აღმოსავლეთის მიმართულებით" მტრის ყველა მიმართულების შეკავების მიზნით", - ნათქვამია განცხადებაში.