უკრაინა 5 მილიონ რუბლს სთავაზობს იმ რუს ჯარისკაცებს, რომლებიც იარაღს დაყრიან და ნებაყოფლობით ჩაბარდებიან

„ხაზგასმით უნდა აღინიშნოს, რომ უკრაინის არმია აგრესორი ქვეყნის ჯარისკაცებს ცოცხლად დარჩენისა და ფულის შოვნის შანსს აძლევს“, - აღნიშნულია უკრაინის შეიარაღებული ძალების გენერალური შტაბის გვერდზე გამოქვეყნებულ განცხადებაში.

უწყება იმ თანხასაც ასახელებს, რომელსაც, გარკვეული ქმედების სანაცვლოდ, რუს ჯარისკაცებს სთავაზობენ.

„რუს ჯარისკაცებს არჩევანს ვთავაზობთ: ან დაიხოცონ უსამართლო ომში ან - მიიღონ სრული ამნისტია და 5 მილიონი რუბლი კომპენსაციის სახით, თუ იარაღს დაყრიან და ნებაყოფლობით ჩაგვბარდებიან“, - აღნიშნულია განცხადებაში.