პუტინი უკრაინის აღებას სამ დღეში გეგმავდა - რა ჰყვება ჯარისკაცი, რომელიც ტყვედ ჩავარდა

რუსი ჯარისკაცი, რომელიც უკრაინულ მხარეს ნებაყოფლობით ტყვედ ჩაბარდა, ჰყვება, რომ ვლადიმერ პუტინი უკრაინის დაპყრობას სამ დღეში გეგმავდა. ტყვე ჯარისკაცის ვიდეოს უკრაინის უსაფრთხოების სამსახური ავრცელებს.

მისივე თქმით, ჯარისკაცებს ტელეფონები და საბუთები წაართვეს.

„სამი დღის სამყოფი წყალი და საკვები წამოვიღეთ, სამ დღეში უკვე ბანაკში უნდა დავბრუნებულიყავით“, - ამბობს რუსი სამხედრო ვიდეოში, რომელსაც უკრაინის უსაფრთხოების სამსახური ავრცელებს.