თუ საჭირო გახდება, უკრაინაში მობილიზაცია მეორედ გამოცხადდება - არესტოვიჩი

უკრაინის პრეზიდენტის ოფისის ხელმძღვანელის მრჩევლის, ალექსეი არესტოვიჩის განცხადებით, თუ საჭირო გახდება, უკრაინაში მობილიზაცია მეორედ გამოცხადდება. ამის შესახებ ინფორმაციას უკრაინული მედია ავრცელებს.

„თუ თავდაცვისთვის ხალხი არ გვეყოფა, მაშინ ჩვენც გვექნება მობილიზაცია“, – განაცხადა არესტოვიჩმა.

შეკითხვაზე, რა ელოდება სტუდენტებს, რომლებიც საზღვარგარეთ სწავლობენ, არესტოვიჩმა განაცხადა, რომ მათი მობილიზაციაც არ არის გამორიცხული.

„ჯერ სტუდენტებს არ ეხებიან. ისინი ჯარში არ მიდიან, მაგრამ სრულიად შესაძლებელია, რომ ასეც მოხდეს და ყველა წავიდეს, ან ძალიან ბევრი. თქვენ საერთოდ გინდათ, უკრაინა რომ გადარჩეს, თუ სორბონაში და ოქსფორდში სწავლასთან დაკავშირებული პირადი პრობლემის მოგვარება გსურთ?!“ – განაცხადა არესტოვიჩმა.