1726775811
სამშაბათს საღამოს ინტერნეტში გავრცელდა ვიდეო, რომელზეც ჩანს, რომ თეთრ სამკლავურიან (ჩვეულებრივ, უკრაინაში რუსი სამხედროების იდენტიფიკაციისთვის გამოიყენება) სამხედრო ფორმაში ჩაცმული ადამიანები სასტიკად კლავენ სავარაუდოდ უკრაინულ სამხედრო უნიფორმაში მყოფ მამაკაცს.
ვიდეოში, რომელიც წუთ-ნახევარი გრძელდება, ადამიანების სახეები ნიღბებითაა დაფარული. ერთ-ერთი მათგანი საუბრობს რაციაზე და აძლევს მითითებებს მეორეს, რომელიც თავს აჭრის მიწაზე დაგდებულ კაცს. ჩანაწერში ასევე ჩანს, სავარაუდოდ რუსი სამხედროები ვიდეოკამერაში როგორ აჩვენებენ უკრაინულ, განმასხვავებელ ნიშნიან ტყვიაგაუმტარ ჟილეტს.
უცნობია როდის, სად და ვის მიერ არის გადაღებული ვიდეო. კადრში მოხვედრილი მწვანე ბალახი და ფოთლები იძლევა იმის ვარაუდის შესაძლებლობას, რომ იგი გადაღებულია 2022 წლის ზაფხულში. ვიდეოს ავთენტურობა არ დადასტურებულა.
„ინსაიდერის“ თანახმად, ერთ-ერთმა პირველმა სამხედროფორმიანი მამაკაცის თავის მოკვეთის ვიდეო ტელეგრამის არხ "მამრობითი სახელმწიფოს" შემქმნელის, ვლადისლავ პოზდნიაკოვის, დახურულმა არხმა გამოაქვეყნა. ვიდეო ასევე გავრცელდა იმ რუსულ ტელეგრამის არხებზე, რომლებიც მხარს უჭერენ რუსეთის შეჭრას უკრაინაში, და ასევე გამოქვეყნდა უკრაინულ სოციალურ ქსელებში.
ინტერნეტში ვიდეოს გამოჩენიდან მალევე, უკრაინის პრეზიდენტის ოფისის ხელმძღვანელმა ანდრი ერმაკმა თავის სოციალურ ქსელებში დაწერა: "ყველაფერზე იქნება პასუხი და დადგება პასუხისმგებლობა." ერმაკს არ დაუკონკრეტებია, თუ რასთან დაკავშირებით დაიდო მისი ეს პოსტი. უკრაინული ტელეგრამის არხები ვარაუდობენ, რომ ეს არის პასუხი სავარაუდო უკრაინელი ჯარისკაცის სიკვდილით დასჯაზე გამოქვეყნებულ ვიდეოზე.
უკრაინის უსაფრთხოების სამსახურმა სავარაუდო უკრაინელი ტყვის სიკვდილის დასჯასთან დაკავშირებით გამოძიება დაიწყო.
The execution of a Ukrainian captive…
— Володимир Зеленський (@ZelenskyyUa) April 12, 2023
This is a video of Russia as it is. This is a video of 🇷🇺 trying to make just that the new norm.
Everyone must react. Every leader. Don't expect it to be forgotten.
We are not going to forget anything. The defeat of 🇷🇺 terror is necessary. pic.twitter.com/H8Or6HJnYW
სხვა სიახლეები
