1725743393
რუსმა სამხედროებმა 390 ბავშვი მოკლეს - უკრაინის გენპროკურატური
![satamasho satamasho](https://primetime.ge/uploads/files/2022/04/21/11069/satamashooo_w_h.jpeg)
რუსმა სამხედროებმა უკრაინაში შეჭრის დაწყების დღიდან 390 ბავშვი მოკლეს, ინფორმაციას უკრაინის გენერალური პროკურატურა ავრცელებს.
„18 სექტემბრის დილისთვის არსებული ოფიციალური მონაცემებით, რუსეთის ფედერაციის სრულმასშტაბიანი შეიარაღებული აგრესიის შედეგად უკრაინაში 1147-ზე მეტი ბავშვი დაიღუპა და დაშავდა. კერძოდ, პროკურატურის ოფიციალური ინფორმაციით, დაიღუპა 390 ბავშვი და დაშავდა 757-ზე მეტი“, - აცხადებენ უწყებაში.
მათივე ცნობით, ეს მაჩვენებლები არ არის საბოლოო, რადგან გრძელდება მუშაობა დროებით ოკუპირებულ და გათავისუფლებულ ტერიტორიებზე აქტიური საომარი მოქმედებების ადგილებზე.