1759591508
რუსეთის შეიარაღებულმა ძალებმა უკრაინის სუმის ოლქში მდებარე ქალაქ შოსტკას რკინიგზის სადგური დაბომბა. ინფორმაციას სუმის საოლქო-სამხედრო ადმინისტრაციის ხელმძღვანელი ოლეგ გრიგოროვი ავრცელებს.
მისი თქმით, ბომბი შოსტკა-კიევის სამგზავრო მატარებელს დაეცა.
მოგვიანებით შოსტკას რაიონული ადმინისტრაციის ხელმძღვანელმა ოქსანა ტარასიუკმა განაცხადა, რომ დაბომბვის შედეგად 30-მდე ადამიანი დაშავდა. მათი ნაწილი საავადმყოფოებშია გადაყვანილი.
მომხდარს გამოეხმაურა უკრაინის პრეზიდენტი ვოლოდიმირ ზელენსკიც. მისი თქმით, დაშავებულებს შორის „უკრაინის რკინიგზის“ თანამშრომლებიც არიან.
