რუსეთმა სარაკეტო დარტყმები ხარკოვის სულ მცირე სამ სკოლაზე, ტაძარსა და მაღაზიებზე განახორციელა

რუსეთმა სარაკეტო დარტყმები განახორციელა ხარკოვის სულ მცირე სამ სკოლაზე, ტაძარსა და მაღაზიებზე.  ინფორმაციას CNN-ი ავრცელებს.

გამოცემის ცნობით, რამდენიმედღიანი დაპირისპირების შემდეგ, რუსული ძალები შევიდნენ ხარკოვში. თუმცა, ქალაქს ამ ეტაპზე უკრაინული სამხედრო ძალები აკონტროლებენ.

ქალაქში ღამით, საჰაერო განგაშის სიგნალის ამოქმედებიდან რამდენიმე წუთში თავდაცვის შტაბთან აფეთქებების ხმა გაისმა.

გაეროს მონაცემებით, უკრაინაში საბრძოლო მოქმედებების დაწყებიდან ქვეყანა მილიონმა ლტოლვილმა დატოვა..