რუსეთის განცხადებით, უკრაინაში ზებგერითი რაკეტა პირველად გამოიყენეს

რუსეთის შეიარაღებულმა ძალებმა უკრაინაში საომარი მოქმედებების დროს ზებგერითი რაკეტა „კინჟალი“გამოიყენეს. ამის შესახებ რუსეთის თავდაცვის სამინისტროს ოფიციალურმა წარმომადგენელმა, იგორ კონაშენკოვმა განაცხადა.

როგორც რუსული მედია წერს, ომის დაწყების შემდეგ ეს ამ რაკეტის გამოყენების პირველი ფაქტია. კონაშენკოვის თქმით, 18 მარტს ზებგერითი რაკეტებით ივანო-ფრანკოვსკის ოლქში უკრაინის არმიის მიწისქვეშა საწყობი გაანადგურეს.