რეალური ამბავი ჭრელქურთუკიან ბიჭზე - ის ახლა პოლონეთშია, მშობლებთან ერთად

ჭრელქურთუკიანი უკრაინელი ბიჭის ვიდეომ, რომელიც სამშობლოდან პოლონეთის საზღვრისკენ მიემართებოდა, გულგრილი არავინ დატოვა. 

კადრების ნახვის შემდეგ ბავშვის ბედზე უამრავი ადამიანი წუხდა. ვრცელდებოდა ინფორმაცია, რომ ის მეზობელი ქვეყნის საზღვრისკენ სრულიად მარტო გადაადგილდებოდა. თუმცა, უცხოური გამოცემების წერენ, რომ გამშვებ პუნქტთან ის მშობლებს დროებით ჩამორჩა და ინტერნეტ სივრცეში გავრცელებული ეს ვიდეოც სწორედ იმ პერიოდშია გადაღებული.

გავრცელებული ცნობით, ახლა ვალერი ოჯახთან ერთად პოლონეთში იმყოფება და თავს უსაფრთხოდ გრძნობს.