ტრამპი ზელენსკის განცხადებაზე, რომ „ომის დასრულება ჯერ კიდევ ძალიან შორს არის“: ამერიკა ამას დიდხანს არ მოითმენს! - ამ ბიჭს არ სურს მშვიდობა, ვიდრე ამერიკის მხარდაჭერა აქვს

აშშ-ის პრეზიდენტი, დონალდ ტრამპი უკრაინის პრეზიდენტის, ვოლოდიმირ ზელენსკის განცხადებას გამოეხმაურა, რომელმაც აღნიშნა, რომ „ომის დასრულების შესახებ შეთანხმება ჯერ კიდევ ძალიან შორს არის“.

„ეს არის ყველაზე ცუდი განცხადება, რაც ზელენსკის შეეძლო გაეკეთებინა. ამერიკა ამას დიდხანს არ მოითმენს! სწორედ ამას ვამბობდი – ამ ბიჭს არ სურს მშვიდობა, ვიდრე ამერიკის მხარდაჭერა აქვს. შეხვედრაზე, რომელიც ზელენსკისთან გაიმართა, ევროპამ პირდაპირ განაცხადა, რომ ისინი ამ საქმეს აშშ-ის გარეშე ვერ გაუმკლავდებიან, რაც, ალბათ, არც თუ ისე კარგი განცხადება იყო რუსეთის წინააღმდეგ ძალის დემონსტრირების თვალსაზრისით. რაზე ფიქრობენ?“ - აღნიშნა აშშ-ის პრეზიდენტმა.