რა მესიჯებს ავრცელებს რუსეთი, რომ უკრაინელებში პანიკა დათესოს - უკრაინის გენშტაბის განცხადება

უკრაინის შეიარაღებული ძალების გენერალური შტაბი მორიგ განცხადებას ავრცელებს და მოსახლეობას მიმართავს.

„სოციალურ ქსელებში მტერმა გაააქტიურა ბოტების დიდი ქსელი, რომელიც უკრაინელ ხალხში პანიკისა და სასოწარკვეთის დათესვას ცდილობს. ვრცელდება უამრავი ისეთი შეტყობინება, როგორებიცაა: „უკვე ყველაფერი დაკარგულია“, „დაეხმარეთ კიევს“ (ან ხერსონსა და ჩერნიგოვს, ოპერაციული სიტუაციიდან გამომდინარე), „ჩვენ ყველამ მიგვატოვა“ და ა.შ. კერძოდ, ახალშექმნილი „პატრიოტული“ გვერდებზე ვრცელდება შეტყობინებები, უკრაინული სიმბოლოებით, უკრაინულ და რუსულ ენებზე. კიდევ ერთხელ შეგახსენებთ - გაფილტრეთ ინფორმაცია, ენდეთ მხოლოდ გადამოწმებულ წყაროებს!
აღმოაჩინეთ და დაბლოკეთ ბოტები! ერთად გავიმარჯვოთ!“, - აღნიშნულია განცხადებაში.