NATO-მ კიევში საკუთარი ოფისი დახურა - თანამშრომელთა ნაწილი ლვოვში გადადის

NATO-მ კიევში საკუთარი ოფისი დახურა. თანამშრომელთა ნაწილი ლვოვში, ნაწილი კი ბრიუსელში გადავიდა. ამის შესახებ უცხოური მედია წერს.

გამოცემის ცნობით, ჩრდილოატლანტიკური ალიანსის მიერ გავრცელებულ ინფორმაციაში აღნიშნულია, რომ ოფისი „დროებით დაიხურება“.

„NATO-მ და მისი წევრი ქვეყნები ზედმიწევნით აკვირდებიან სიტუაციას და უსაფრთხოების ყველა აუცილებელ ზომებს იღებენ. ჩვენი თანამშრომლების უსაფრთხოება ჩვენი პრიორიტეტია, ამიტომ ჩვენ ისინი ლვოვსა და ბრიუსელში გადაგვყავს. შესაბამისად, ნატოს ოფისი უკრაინაში არ დახურულა და ის ფუნქციონირებას განაგრძობს“, -  წერია განცხადებაში.

უკრაინის წინააღმდეგ რუსული აგრესიის საფრთხის ფონზე ზოგიერთმა ქვეყანამ კიევში საელჩო დახურა ან ის სხვა ქალაქებში გადაიყვანა.