მევლუთ ჩავუშოღლუ აცხადებს, რომ უკრაინისა და რუსეთის საგარეო საქმეთა მინისტრები მორიგი შეხვედრისთვის მზად არიან

თურქეთის საგარეო საქმეთა მინისტრ მევლუთ ჩავუშოღლუს განცხადებით, რუსეთისა და უკრაინის საგარეო უწყებების ხელმძღვანელები მხარს უჭერენ უკრაინის შესახებ მორიგი შეხვედრის გამართვის იდეას. ინფორმაციას თურქული მედია ავრცელებს. 

„დმიტრო კულებამ და სერგეი ლავროვმა გვაცნობეს, რომ შეხვედრისთვის მზად არიან. უახლოეს ერთ-ორ კვირაში შესაძლოა, გაიმართოს შეხვედრა, სულ მცირე, უკრაინისა და რუსეთის ფედერაციის საგარეო საქმეთა მინისტრების დონეზე“, – განაცხადა მევლუთ ჩავუშოღლუმ.