ლოიდ ოსტინი: პუტინის არჩეულმა ომმა საშინელი მსხვერპლი მოიტანა მშვიდობიან მოქალაქეთა შორის

აშშ-ის თავდაცვის მდივნის, ლოიდ ოსტინის განცხადებით, რუსეთის პრეზიდენტის, ვლადიმერ პუტინის შეჭრა არა მხოლოდ თავდასხმაა უკრაინაზე, არამედ ეს არის თავდასხმა ტრანსატლანტიკური უსაფრთხოების ძირითად პრინციპებზე, – ამის შესახებ ლოიდ ოსტინმა პენტაგონში, გერმანელ კოლეგასთან შეხვედრის დაწყებამდე განაცხადა. ინფორმაციას CNN-ი ავრცელებს.

„პუტინის არჩეულმა ომმა საშინელი მსხვერპლი მოიტანა მშვიდობიან მოქალაქეთა შორის და მილიონობით უდანაშაულო უკრაინელი იძულებული გახდა, ქვეყნიდან გაქცეულიყო“, – აღნიშნა აშშ-ის თავდაცვის მდივანმა.