კრემლის მხარდამჭერი ცნობილი რუსი რეჟისორი ამტკიცებს, რომ უკრაინამ ფრინველები დააინფიცირა და რუსეთში გაგზავნა

რუსი რეჟისორი ნიკიტა მიხალკოვი, რომელიც მრავალი წელია პუტინის პოლიტიკის მოყვარულია, მხარს უჭერს კრემლის პროპაგანდას უკრაინის „ბიოლოგიური იარაღის“ შესახებ.

როგორც უკრაინული გამოცემა წერს, გასული კვირის განმავლობაში პუტინის პროპაგანდისტები აქტიურად ავრცელებდნენ ინფორმაციას უკრაინაში ამერიკული „ბიოლოგიური ლაბორატორიების“ შესახებ. კრემლის რუპორები ამტკიცებენ, რომ უკრაინამ, სავარაუდოდ, ფრინველები დააინფიცირა და რუსეთში გაგზავნა.

მიხალკოვმა, რომელიც ცნობილია უკრაინის წინააღმდეგ რუსული აგრესიის მიმართ თავისი შემწყნარებელი პოზიციით, მხარი დაუჭირა დეზინფორმაციულ კამპანიას. ჩიტების ე.წ. ინფექციაზე კომენტირებისას რეჟისორმა მათი ტრაექტორიაც კი გამოთვალა.

„მზადდებოდა ბიოლოგიური იარაღი, ტესტირება უკრაინელ მოხალისეებზე. კიდევ ერთი პლუსი არის ის, რომ მათ გამოთვალეს ამ ფრინველების ტრაექტორია რუსეთის გავლით... ეს არის აბსოლუტურად ფაშისტური მცდელობა სლავური ეთნიკური ჯგუფის, როგორც ასეთის განადგურების", - თქვა მიხალკოვმა.