ხარკოვში საოკუპაციო ძალებმა დაბომბვა განაახლეს - აფეთქდა ქალაქის ელექტრო ქვესადგური

ხარკოვის მერის იგორ ტერეხოვის ცნობით, რუსული ჯარები ქალაქის დაბომბვას აგრძელებენ და ქვესადგურების აფეთქება დაიწყეს. ამ ინფორმაციას ადგილობრივი მედია ავრცელებს. 

„ახლა არის დაბომბვა, უკვე დაზიანებულია 87-ზე მეტი საცხოვრებელი სახლი. ხალხი ნანგრევების ქვეშაა მოყოლილი – ახლა ამ ნანგრევებს ვასუფთავებთ.

ჩვენი ელექტროენერგიის გადამცემი ქვესადგურები აფეთქდა. ხარკოვის რამდენიმე უბანს ელექტროენერგია არ მიეწოდება, პრობლემებია წყალმომარაგებასთან დაკავშირებითაც.

ამიტომ, შემიძლია გითხრათ, რაც დღეს მოხდა და ხდება ხარკოვში - ეს არის გენოციდი.

ეს არ არის ოპერაცია, არამედ ომი - ხალხის განადგურების მიზნით. ეს არის დანაშაული მთელი მსოფლიოს წინააღმდეგ“. - ამბობს მერი.