„კადიროვების“ უმრავლესობა, რომლებიც თავს დაუნდობელ ჯარისკაცებად აცხადებდნენ, ლიკვიდირებულია - რადას თავდაცვის კომიტეტის წევრი

უკრაინელმა თავდაცვის ძალებმა "კადიროველების" უმეტესობის ლიკვიდაცია შეძლეს - ამ ინფორმაციას ვენისლავსკი ადგილობრივ მედიასთან ადასტურებს და ამბობს, რომ  ისინი „ალაჰთან წავიდნენ“.

უკრაინელმა სამხედროებმა თითქმის ყველა "კადიროველი" გაანადგურეს, რომლებიც რუსეთის მხარდასაჭერად უკრაინის წინააღმდეგ ომში იბრძოდნენ.

ამის შესახებ უკრაინის 24-ის ეთერში უმაღლესი რადას ეროვნული უსაფრთხოებისა და თავდაცვის კომიტეტის წევრმა ფიოდორ ვენისლავსკიმ ისაუბრა.

"კადიროვების" უმრავლესობა, რომლებიც თავს მამაც და დაუნდობელ ჯარისკაცებად აცხადებდნენ, ლიკვიდირებულები არიან, მათ ამ ჰიბრიდულ ომში ერთ-ერთი რიგითი ელემენტის დატვირთვა ჰქონდათ“, - თქვა მან.

ვენისლავსკიმ აღნიშნა, რომ საომარ მოქმედებებში  მათი მონაწილეობა საინფორმაციო სპეცოპერაციას ემსახურებოდა, რომელიც მოსახლეობაში პანიკის დასათესად დაგეგმეს.

"არსებობს ოფიციალური სადაზვერვო ინფორმაცია, რომლის მიხედვითაც, ერთ-ერთი ჩეჩნური დანაყოფი, რომელიც დაახლოებით, 1 000 ადამიანისგან შედგებოდა, მათი აბსოლუტური უმრავლესობა წავიდა ალაჰთან", - თქვა ვენისლავსკიმ.

გადარჩენილმა "კადიროველებმა" ბარაკის რაზმები შექმნეს. როგორც ადრე გავრცელდა ინფორმაცია, ეს ქვედანაყოფები რუს დამპყრობლებთან ერთად „მუშაობენ“, თუმცა ახლა, უკვე  უკრაინის წინააღმდეგ ბრძოლაზე უარს ამბობენ.