ჯონ კირბი: უკრაინის მოკავშირეებმა კიევს მიაწოდეს დამატებითი სამხედრო თვითმფრინავები და თვითმფრინავების ნაწილები

უკრაინის მოკავშირეებმა კიევს მიაწოდეს დამატებითი სამხედრო თვითმფრინავები და თვითმფრინავების ნაწილები, რათა გაიზარდოს მათი ფლოტი და შეაკეთონ უკრაინის არსენალში არსებული დაზიანებული თვითმფრინავები, – ამის შესახებ აშშ-ის თავდაცვის სამინისტროს პრესსპიკერმა, ჯონ კირბიმ განაცხადა. ინფორმაციას CNN-ი ავრცელებს. 

ამასთან, ვრცელდება ინფორმაცია, რომ აშშ უკრაინისთვის გადასაცემად კიდევ ერთ 800 მილიონი დოლარის დახმარების პაკეტს ამზადებს.