ირინა ვერეშჩუკი აცხადებს, რომ რუსეთის ტყვეობაში 2.5 ათასი უკრაინელი იმყოფება

ირინა შევჩუკი

უკრაინის ვიცე-პრემიერი ირინა ვერეშჩუკი აცხადებს, რომ რუსეთის ტყვეობაში 2.5 ათასი უკრაინელი იმყოფება.

„ვსაუბრობთ 2,5 ათას ტყვედ ჩავარდნილ უკრაინელზე. ყველაზე უარესი კი ის არის, რომ მათ შორის ბევრი სამოქალაქო პირია. სამოქალაქო პირები უნდა დაბრუნდნენ, გაცვლის გარეშე. მათ შორის ბევრი ქალია“, – განაცხადა ვერეშჩუკმა.

ვიცე-პრემიერის თქმით, ბოლო რამდენიმე გაცვლის დროს რუსებმა სამოქალაქო პირები არ გაათავისუფლეს.

„თუ გავითვალისწინებთ, რომ აზოვსტალიდან 131 ქალი გამოვიდა, წარმოიდგინეთ, რამდენი ქალია ტყვეობაში. სულ რამდენიმე დააბრუნეს რუსებმა“, – განაცხადა უკრაინის ვიცე-პრემიერმა.