ირანი შესაძლოა უკრაინაში რუსეთის სამხედრო დანაშაულებში იყოს ჩართული - სალივანი

აშშ-ს პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა, რომ ირანს შეუძლია თავისი წვლილი შეიტანოს უკრაინაში რუსეთის სამხედრო დანაშაულების ჩადენაში, სამხედრო დახმარების გაწევითა და რუსეთისთვის შაჰედ-136 დრონების მიწოდებით.

„მათი იარაღი გამოიყენება უკრაინაში მშვიდობიანი მოსახლეობის მოსაკლავად და ქალაქების სიცივესა და სიბნელეში ჩაძირვისთვის, რაც, ჩვენი აზრით, აყენებს ირანს ისეთ მდგომარეობაში, სადაც მას შეუძლია ხელი შეუწყოს ფართომასშტაბიანი სამხედრო დანაშაულების ჩადენას." - განაცხადა სალივანმა.

უკრაინის საჰაერო ძალების სარდლობის მონაცემებით, სექტემბრიდან უკრაინის საჰაერო თავდაცვის ძალებმა 500-მდე ირანული დრონი გაანადგურეს.

ეს დრონები, კერძოდ, ახალი წლის ღამეს და 1-2 იანვრის ღამეს კიევსა და სხვა ქალაქებზე ფართომასშტაბიანი თავდასხმისთვის გამოიყენეს. ამ დროის განმავლობაში 80-მდე დრონი გაუშვეს. უკრაინის შეიარაღებულმა ძალებმა განაცხადეს, რომ ისინი ყველა ჩამოაგდეს.