გაეროს გენერალური მდივანი: რაც უფრო მალე დასრულდება ეს ომი, მით უკეთესი უკრაინისთვის, რუსეთისა და მსოფლიოსთვის

გაეროს გენერალური მდივანი, ანტონიო გუტერეში, გუშინ მოსკოვში რუსეთის პრეზიდენტ ვლადიმერ პუტინთან და საგარეო საქმეთა მინისტრ სერგეი ლავროვთან შეხვედრის შემდეგ უკრაინაში ჩავიდა.

„მოსკოვში ვიზიტის შემდეგ, უკრაინაში ჩამოვედი. ჩვენ გავაგრძელებთ მუშაობას ჰუმანიტარული მხარდაჭერის გაფართოებისა და კონფლიქტის ზონებიდან მშვიდობიანი მოსახლეობის ევაკუაციის უზრუნველსაყოფად. რაც უფრო მალე დასრულდება ეს ომი, მით უკეთესი უკრაინისთვის, რუსეთისა და მსოფლიოსთვის“, - აღნიშნა გაეროს გენერალურმა მდივანმა.