საჰაერო დაბომბვის დროს დაიღუპა გოგო, რომელმაც სათამაშო მაჩუქა - უკრაინელი სამხედროს ისტორია

„დღეს გარდაიცვალა გოგონა, რომელმაც სათამაშო მაჩუქა“ - ამის შესახებ უკრაინელი ჯარისკაცი საუბრობს და  გარდაცვლილი მარიუპოლელი ბავშვის შესახებ ისტორიას იხსენებს. 

მებრძოლი გარდაცვლილ ბავშვს ბოდიშს უხდის, იმისთვის, რომ დროულად ვერ შეძლეს მისი ტერიტორიიდან გაყვანა.

„მარტის თვის ბოლო იყო, როცა აზოვსტალის ერთ-ერთ თავშესაფარში, 10-12 წლის გოგონამ ეს სათამაშო იხვი მაჩუქა! დღეს შემატყობინეს, რომ მორიგი საჰაერო დაბომბვიდან მეორე დღეს, გოგონა გარდაიცვალა. მაპატიე პატარავ, რომ ვერ მოვასწარით შენი ევაკუაცია და არ მოგეცა საშუალება, რომ კვლავ დამტკბარიყავი ცხოვრებით“- ამბობს სამხედრო.