ენტონი ბლინკენი: აშშ-ის მიერ უკრაინისთვის გამოყოფილი სამხედრო დახმარების ახალი პაკეტი დამატებით იარაღსა და აღჭურვილობას მოიცავს

აშშ-ის მიერ უკრაინისთვის გამოყოფილი სამხედრო დახმარების ახალი პაკეტი დამატებით იარაღსა და აღჭურვილობას მოიცავს, – ამის შესახებ სახელმწიფო მდივანმა, ენტონი ბლინკენმა „ტვიტერზე“ დაწერა.

„ეს უპრეცედენტო, რიგით მეოთხე შემცირება (პენტაგონის ბიუჯეტის) ერთ წელზე ნაკლებ დროში, მოიტანს იმას, რომ აშშ-ის ჯამური დახმარება უკრაინის უსაფრთხოებისთვის $1,2 მილიარდ დოლარს გადააჭარბებს, 2021 წლის იანვრის შემდეგ“, – დაწერა ბლინკენმა „ტვიტერზე“.

შეგახსენებთ, რომ 12 მარტს ამერიკის შეერთებული შტატების პრეზიდენტმა, ჯო ბაიდენმა სახელმწიფო მდივან ენტონი ბლინკენს დაავალა, ქვეყნის თავდაცვის დეპარტამენტის ბიუჯეტიდან გამოიყოს დამატებით 200 მილიონი აშშ დოლარის სამხედრო დახმარება უკრაინისთვის.