დმიტრო კულებას განცხადებით, ჩერნობილში რადიაციის გაჟონვის საშიშროებაა

უკრაინის საგარეო საქმეთა მინისტრის, დმიტრო კულებას განცხადებით, ჩერნობილის ატომურ ელექტროსადგურზე რადიაციის გაჟონვის საშიშროება არსებობს.

კულებას განცხადებით, რუსეთის მიერ კონტროლირებადი სადგური დაზიანებულია.

„სარეზერვო დიზელის გენერატორებს აქვთ 48 საათიანი სიმძლავრე ჩერნობილის ატომური ელექტროსადგურისთვის. ამის შემდეგ, დახარჯული ბირთვული საწვავის საწყობის გაგრილების სისტემები შეჩერდება, რაც რადიაციის გაჟონვას გარდაუვალს გახდის.

პუტინის ბარბაროსული ომი მთელ ევროპას საფრთხეში აყენებს. მან ეს სასწრაფოდ უნდა შეწყვიტოს!,"-აცხადებს დმიტრო კულება.

Reserve diesel generators have a 48-hour capacity to power the Chornobyl NPP. After that, cooling systems of the storage facility for spent nuclear fuel will stop, making radiation leaks imminent. Putin’s barbaric war puts entire Europe in danger. He must stop it immediately! 2/2

— Dmytro Kuleba (@DmytroKuleba) March 9, 2022

ჩერნობილის ატომურ სადგურთან დაკავშირებით განცხადება რამდენიმე წუთის წინ გაავრცელა ატომური ენერგიის საერთაშორისო სააგენტომ. სააგენტოში აცხადებენ, რომ უკრაინულმა მხარემ მათ ინფორმაცია მიაწოდა სადგურისთვის ელექტროენერგიის შეწყვეტის შესახებ.

ატომური ენერგიის საერთაშორისო სააგენტოს ხელმძღვანელის თქმით, აღნიშნული მოვლენები ეწინააღმდეგება უსაფრთხოების საფუძვლებს, რომელიც ელექტროენერგიის უწყვეტად მიწოდებას შეეხება, თუმცა ამ შემთხვევაში, სააგენტო ვერ ხედავს კრიტიკულ გავლენას უსაფრთხოებაზე.

ეს დაგაინტერესებთ:

როგორ გამოვიყენოთ ჩვეულებრივი იოდი რადიაციის დროს - უკრაინელი პედიატრის, ევგენი კომაროვსკის განმარტება 

ცნობილი უკრაინელი პედიატრი, ევგენი კომაროვსკი მოსახლეობას რადიაქტიური საფრთხისგან ჯანმრთელობის დაცვის სწრაფ და მარტივ საშუალებას სთავაზობს, რომელიც უნდა გაკეთდეს მხოლოდ ერთჯერადად.

„ვინაიდან ყველა მიმართულებით ისვრიან, შესაძლებელია ჩვენი რომელიმე ატომური სადგური დააზიანონ და მოსახლეობას რადიატიური საფრთხე დაემუქროს. პირველი, რაც ასეთი დაზიანების დროს ხდება, რადიაქტიური იოდის გამოფრქვევაა, რაც კლავს ფარისებრ ჯირკვალს. ამიტომ თავდაცვისთვის მნიშვნელოვანი წესები უნდა გავითვალისწინოთ. თუ საფრთხე არსებობს, უნდა მიიღოთ დიდი დოზით იოდი, რათა ფარისებრი ჯირკვალი გადარჩეს. ეს ეფექტურია წინასწარ, თუ საფრთხე ძალიან რეალურია და უახლოეს ნახევარ საათშიც შეიძლება რეალობად იქცეს ან დაზიანება/აფეთქებიდან პირველი რამდენიმე საათის განმავლობაში. თუ ამას აფეთქებიდან 2 საათის განმავლობაში გავაკეთებთ, დაცვის ეფექტი 90%-მდე იქნება. ნახევარი საათით ადრე კი - 100%.

ყურადღება: ეს საშუალება უნდა გამოიყენოთ მხოლოდ ერთხელ, ერთჯერადად. მისი გამეორება არ შეიძლება. რომელი იოდის მიღებაზეა საუბარი და ვისთვის რა დოზებით

ეს არის კალიუმის იოდი, რომელიც აბების ფორმით გვხვდება. მასში 250 მილიგრამი იოდია და სპეციალურად განკუთვნილი პრევენციული დოზაა რადიაციის დროს. ეს ძალიან დიდი დოზაა, 3 ათასჯერ აღემატება დღიურ ნორმას და ამიტომ სპეციალურად ბირთვული საფრთხის დროს გამოიყენება.

2 წლის ასაკიდან ადამიანმა უნდა გამოიყენოს ნახევარი აბი, ანუ 125 მილიგრამი. 2 წლამდე ასაკის ბავშვებმა - 40 მილიგრამი, ანუ აბის თითქმის მეექვსედი. თუ არ არის ხელმისაწვდომი კალიუმის იოდიდი და სავარაუდოდ, ფორსმაჟორულ სიტუაციაში ასეც იქნება, ალტერნატივად 5%-იანი იოდის ხსნარიც გამოგადგებათ.

როგორ გამოვიყენოთ იოდი რადიაციის დროს?

14 წელზე უფროსი ასაკის ადამიანმა 5%-იანი იოდის 40 წვეთი უნდა მიიღოს. ეს წვეთები თბილ რძეში ან წყალში გახსენით და დალიეთ.

5-დან 14 წლამდე ბავშვებმა - 20 წვეთი უნდა გახსნან რძეში ან წყალში და მიიღონ.

5 წლამდე ასაკის ბავშვებისთვის მისი დალევა აკრძალულია

როგორ უნდა დავიცვათ 5 წლამდე ასაკის ბავშვები?

2-დან 5 წლამდე: 20 წვეთი იოდი გააზავეთ წყალში და სხეულზე იოდის უჯრები, ე.წ. კლეტკები“ გაუკეთეთ.2 წლამდე ასაკის ბავშვებს იგივე იოდის უჯრები 10 წვეთი იოდით გაუკეთეთ, რომელიც ასევე წყალშია გახსნილი.ყურადღება: ეს საშუალება უნდა გამოიყენოთ მხოლოდ ერთხელ, ერთჯერადად. მისი გამეორება არ შეიძლება.