დღეს კიევიდან 2000-მდე ადამიანის ევაკუაცია განხორციელდა - უკრაინის საგანგებო სიტუაციების სამსახური

კიევში 12 მარტს 2000-მდე ადამიანის ევაკუაცია განხორციელდა,  ამის შესახებ უკრაინის სახელმწიფო საგანგებო სიტუაციების სამსახურში განაცხადეს, ინფორმაციას BBC ავრცელებს.

უწყების განცხადებაში ნათქვამია, რომ 40 ავტობუსისგან შემდგარი საევაკუაციო კოლონა სოფელ ბელოგოროდკაში შაბათს შუადღისას ჩავიდა. საგანგებო სიტუაციების სამსახურის ინფორმაციით, მაშველები მოქალაქეებს დახმარებას, (მათ შორის სამედიცინო და ფსიქოლოგიურს) უწევენ.