დანიის საგარეო საქმეთა მინისტრი: ძალიან მნიშვნელოვანია, რომ დავეხმაროთ უკრაინას ქვეყნის დაცვაში და რუსეთისთვის რაც შეიძლება მაღალი საფასური დავაწესოთ

დასავლეთი უნდა დარწმუნდეს, რომ რუსეთისთვის უკრაინაში ომის საფასური მაქსიმალურად მაღალი იქნება, - ამის შესახებ დანიის საგარეო საქმეთა მინისტრმა, იეპე კოფოდმა  განაცხადა. ინფორმაციას CNN-ი ავრცელებს.

„ძალიან მნიშვნელოვანია, რომ ჩვენ დავეხმაროთ უკრაინას საკუთარი ქვეყნის დაცვაში და რუსეთისთვის რაც შეიძლება მაღალი საფასური უნდა დავაწესოთ, მათ შორის ბრძოლის ველზე. სწორედ ამას ვაკეთებთ და გავაგრძელებთ“, - აღნიშნა დანიის საგარეო უწყების ხელმძღვანელმა.

მისი თქმით, უკრაინაში მოსკოვის აგრესიის შეჩერება ნიშნავს, რომ ევროპულმა ქვეყნებმა რუსეთს დამატებითი სანქციები უნდა დააწესონ და მეტი სამხედრო დახმარება გაუგზავნონ კიევს.