ჩერნობილში რადიაციის დონე გაიზარდა - უკრაინის ბირთვული რეგულირების სახელმწიფო ინსპექცია განცხადებას ავრცელებს

უკრაინული გამოცემა „უნიანის" ცნობით, უკრაინის ბირთვული რეგულირების სახელმწიფო ინსპექციამ განაახლა ინფორმაცია ჩერნობილის ატომურ ელექტროსადგურზე რადიაციის გაზრდის შესახებ.

უწყების განცხადებაში ნათქვამია, რომ ჩერნობილის ტერიტორიაზე გამა გამოსხივების დოზის საკონტროლო დონის გადაჭარბება დაკავშირებულია ნიადაგის ზედა ფენის დარღვევასთან, რაც გამოიწვია დიდი რაოდენობით მძიმე სამხედრო აღჭურვილობის გადაადგილებამ და ჰაერში დაბინძურებული რადიოაქტიური მტვრის აწევამ.

მათივე ცნობით, ჩერნობილის ატომური ელექტროსადგურის ბირთვული დანადგარების და სხვა ობიექტების მდგომარეობა უცვლელია.