ავსტრიის პარლამენტმა სავალდებულო ვაქცინაციის შემოღებას მხარი დაუჭირა

ავსტრიის პარლამენტის ქვედა პალატამ, მხარი დაუჭირა მთავრობის შეთავაზებას, რომელიც ზრდასრული მოქალაქეებისთვის კორონავირუსზე სავალდებულო ვაქცინაციის დაწესებას ითვალისწინებს. ხმები 137 ხმით 33-ის წინააღმდეგ გადანაწილდა. ამის შესახებ BBC წერს.

გამოცემის ცნობით, კანონპროექტს პარლამენტის ზედა პალატის მხარდაჭერაც სჭირდება, რის შემდეგაც მას ქვეყნის პრეზიდენტი მოაწერს ხელს.

კანონი, 1-ელი თებერვლიდან ამოქმედდება. ამასთან, არავაქცინირებულ მოქალაქეებს მარტის შუა რიცხვებიდან 3 600-მდე ევროს ოდენობით ჯარიმის გადახდა მოუწევთ.

სავალდებულო ვაქცინაციის წესი, სავარაუდოდ, 2024 წლამდე დარჩება ძალაში.