AUDIO: "შენთვისაც ვარ აქ... მოვიპარე კოსმეტიკა და ქალის სპორტული ფეხსაცმელი" - რუსი მარადიორის საუბარი ცოლთან

"ყველა ჩანთებს მიათრევს" - ამ სათაურით უკრაინული მედია სტატიას რუსი ოკუპანტისა და მისი ცოლის სატელეფონო საუბრის შინაარსზე სტატიას აქვეყნებს. 

უკრაინის სამართალდაცვის ორგანომ რუსი  მარადიორის საუბრის ჩანაწერი მოიპოვა, სადაც ის ძარცვაზე საუბრობს - როგორ ძარცვავენ სამხედროები უკრაინელების სახლებს. 

რუსი მარადიორი ამბობს, რომ მან კოსმეტიკა, სპორტული ტანსაცმელი და ფეხსაცმელი, ყველაფერი ბრენდულია, რაც მოიპარა.

ამ საუბრის ამსახველი აუდიოჩანაწერი შინაგან საქმეთა მინისტრის მრჩეველმა ანტონ გერაშჩენკომ გამოაქვეყნა.

"ოკუპანტი სავარაუდოდ, მეუღლეს დაუკავშირდა. ქალი ეუბნება - არსებობს ჭორები, რომ რუსული ჯარი სახლში ბრუნდება. თავის მხრივ, ოკუპანტი ამბობს, რომ ისინი ჯერ ბელორუსიაში მიდიან, შემდეგ სმოლენსკში და მხოლოდ ამის შემდეგ - სახლში.

"აქ შენთვისაც ვარ... შენთვის კოსმეტიკა მოვიპარე, ტესტერებია, მაგრამ მართლა კარგია... კიდევ ქალის NB-ის სპორტული ფეხსაცმელი, ბრენდირებული, ზომა 38", - ამბობს მარადიორი. 

ქალი არ საყვედურობს, აქებს და ახარებს ნაძარცვის შესახებ ახალი ცნობა.

"შენ ჩემი ტკბილი ხარ, ყველა სახლშია, ყველა ოჯახში ... კარგი, კარგი, ეს იქნება უკრაინიდან მოკითხვა. აბა, რა რუსს წინააღმდეგობას არავინ უწევს" - პასუხობს ქალი.

ქურდის თქმით, უკრაინაში ყველაფერი მაღალი ხარისხისაა, ამიტომ ოკუპანტები „ყველაფერს ჩანთებით ატარებენ“. ისიც ჩივის, რომ ლეპტოპი ვერ აიღო, რადგან ჩანთა არ ჰქონდა, მაგრამ მოპარული მაისურებითაც კმაყოფილია.

"აქ ყველაფერი მაღალი ხარისხისაა, ყველა ტანსაცმელი. აქ ყველა ტომრებს მიათრევს. ჩანთა რომ მქონოდა, ლეპტოპს ავიღებდი. აქ სპორტული ოჯახი ცხოვრობს, მათგან ბევრი რამ წამოვიღე - ფეხბურთის მაისურები, ჰოკეის მაისურები...
- აკრიფე, აკრიფე, ანდრეი. რაც შეგიძლია, აიღე ყველაფერი. მაისურები ყოველთვის საჭიროა..." - ამბობს ქალი. 

ცნობისთვის, 24 თებერვალს რუსეთის ფედერაციამ სრულმასშტაბიანი ომი უკრაინის წინააღმდეგ დაიწყო.