აშშ-ის ოფიციალური პირების განცხადებით, უკრაინის წინააღმდეგ რუსეთის კონვენციური ძალების დაახლოებით 75 პროცენტი არის განლაგებული

აშშ-ის ოფიციალური პირების განცხადებით, უკრაინის წინააღმდეგ რუსეთის კონვენციური ძალების დაახლოებით 75 პროცენტი არის განლაგებული. 

ინფორმაციას CNN-ი ავრცელებს.

აშშ-ის მთავრობაში ამბობენ, რომ უკრაინაზე დარტყმის დისტანციაზე ძალების კონცენტრაცია ძალზე უჩვეულოა, რის გამოც აშშ მიიჩნევს, რომ რუსეთი მზადაა თავდასხმისთვის.

აშშ-ის სამთავრობო წყაროს ინფორმაციით, რუსეთის არმიის 120 ბატალიონის ტაქტიკური ჯგუფი უკრაინის საზღვრიდან 60 კილომეტრშია განლაგებული. ვაშინგტონში ვარაუდობენ, რომ სეპარატისტებთან ერთად რუსული ჯარის რაოდენობა შესაძლოა, 190 000-ს აღწევდეს.

აშშ-ის მთავრობის წევრი აცხადებს, რომ რუსეთს უკრაინის წინააღმდეგ 35 საჰაერო თავდაცვის ბატალიონი, ასევე 500 ავიაგამანადგურებელი და ბომბდამშენი ჰყავს მობილიზებული.