არსებობს შესაძლებლობა, რომ უკრაინა-რუსეთის ომი თვეებისა და წლების განმავლობაში გაგრძელდეს - სტოლტენბერგი

ნატოს გენერალურმა მდივანმა იენს სტოლტენბერგმა განაცხადა, რომ ალიანსი მზად არის, რუსეთის წინააღმდეგ ომში უკრაინას წლების განმავლობაში დაუჭიროს მხარი. 

„ჩვენ უნდა ვიყოთ მზად გრძელვადიანი პერსპექტივისთვის. აბსოლუტურად არსებობს იმის შესაძლებლობა, რომ ეს ომი გაგრძელდეს თვეებისა და წლების განმავლობაში“, - აღნიშნა იენს სტოლტენბერგმა.

მისი თქმით, უკრაინის მოკავშირეები ემზადებიან იმისთვის, რომ უკრაინას ნატოს სტანდარტების შეიარაღება მიაწოდონ.