„ანჯელინა, იმედი გამიცრუეთ... მობრძანდით ჩვენთან, დონბასში!“ - როგოზინმა მსახიობს ლექსი მიუძღვნა

ანჯელინა ჯოლი - როგოზინი

Roscosmos-ის გენერალური დირექტორი, დიმიტრი როგოზინი ლვოვში მსახიობ ანჯელინა ჯოლის ვიზიტს გამოეხმაურა და ლექსი მიუძღვნა. მისი ლექსი უცხოურ მედიაში გავრცელდა.

როგოზინი ამბობს, რომ იგი ანჯელინა ჯოლით იმედგაცრუებულია და ​მსახიობს დონბასში იწვევს.

„ანჯელინა, აქამდე ლექსი არ დამიწერია, მაგრამ თქვენ, მეგობარო, იმედი გამიცრუეთ, ასე რომ ვწერ...

მობრძანდით ჩვენთან, დონბასში! აქ არის არაყი, ლუდი, კვასი, გვაქვს სენდვიჩიც.

​ლამაზმანს არ აწყენინებს ჩვენი სასტიკი ჯარისკაცი, ფილმში ჰყავხარ ნანახი და როცა კვლავ გხედავს, ბედნიერია“,- წერს როგოზინი.

ცნობისთვის, ამერიკელი მსახიობი და  UNISEF-ის კეთილი ნების ელჩი,  ანჯელინა ჯოლი უკრაინაში ჩავიდა. ჰოლივუდის ვარსკვლავი ლვოვს ჰუმანიტარული მისიით ეწვია. მსახიობი და გაეროს მისიის წარმომადგენლები  ლტოლვილებს ეხმარებიან. ანჯელინა ჯოლიმ ლვოვში კრამატორსკის დაბომბვის შედეგად დაშავებული ბავშვებიც მოინახულა.