ამერიკულ და ბრიტანულ დეზინფორმაციულ მედიასაშუალებებს ვთხოვ, უკრაინაში ჩვენი შეჭრის გრაფიკი გამოაქვეყნონ - მინდა, შვებულება დავგეგმო - მარია ზახაროვა

რუსეთის საგარეო საქმეთა სამინისტროს პრესსპიკერი, მარია ზახაროვა დასავლურ მედიასაშუალებებში გავრცელებულ ინფორმაციას, რომლის თანახმადაც, რუსეთი უკრაინაზე თავდასხმას, სავარაუდოდ, 16 თებერვალს გეგმავდა, სოციალურ ქსელში ეხმიანება.

„მსურს, ვთხოვო ამერიკულ და ბრიტანულ მასობრივ დეზინფორმაციის საშუალებებს: Bloomberg-ს, The New York Times-ს, The Sun-ს, რომ ჩვენი უკრაინაში შეჭრის მომავალი წლის გრაფიკი გამოაქვეყნონ. მინდა, შვებულება დავგეგმო“, - წერს ზახაროვა „ტელეგრამზე“.

ცნობისთვის, რამდენიმე დღის წინ ზოგიერთმა მედიასაშუალებამ გაავრცელა ინფორმაცია, რომ რუსეთი უკრაინაზე თავდასხმას 16 თებერვალს გეგმავდა.