ზელენსკი: თუ პარტნიორები, მათ შორის ჩვენი საკვანძო პარტნიორი ვაშინგტონში, ასე ბევრს საუბრობენ უკრაინაში არჩევნებზე, მაშინ უნდა გავცეთ კანონიერი პასუხები ყველა კითხვასა და ყველა ეჭვზე

უკრაინის პრეზიდენტმა, ვოლოდიმირ ზელენსკიმ შეხვედრა გამართა უკრაინის პარლამენტის წარმომადგენლებთან ქვეყანაში არჩევნების თემაზე.

„მე არ დავუშვებ არანაირ სპეკულაციას უკრაინის წინააღმდეგ, და თუ პარტნიორები, მათ შორის ჩვენი საკვანძო პარტნიორი ვაშინგტონში, ასე ბევრს და ასე კონკრეტულად საუბრობენ უკრაინაში არჩევნებზე - არჩევნებზე სამხედრო მდგომარეობის სამართლებრივი რეჟიმის პირობებში, მაშინ ჩვენ უნდა გავცეთ კანონიერი პასუხები ყველა კითხვასა და ყველა ეჭვზე. ეს არ არის მარტივი, მაგრამ ზეწოლა ამაში ნამდვილად არ გვჭირდება“, - აღნიშნა ზელენსკიმ.

მან დასძინა, რომ ამ საკითხზე დეპუტატებისგან წინადადებებს ელოდება.