"ყველაფერს გავაკეთებ, რომ ისინი გაქრნენ" - დიმიტრი მედვედევი ემუქრება მათ, ვისაც რუსეთი სძულს

რუსეთის ყოფილმა პრეზიდენტმა და ამჟამად უშიშროების საბჭოს თავმჯდომარის მოადგილემ დიმიტრი მედვედევმა გააკრიტიკა ისინი, ვისაც რუსეთი “სძულს” და პირობა დადო, რომ მათ "გააქრობს".

„ხშირად მეკითხებიან, რატომ არის "ტელეგრამის" ჩემს არხზე პოსტები ასეთი მკაცრი. პასუხია - მე მძულს ისინი. ისინი დეგენერატები არიან. მათ სიკვდილი უნდათ ჩვენთვის, რუსეთისთვის. სანამ ცოცხალი ვარ, ყველაფერს გავაკეთებ, რომ ისინი გაქრნენ“, - დაწერა მედვედევმა „ტელეგრამის“ საკუთარ არხზე.

მედიის ცნობით, რუსეთის ყოფილმა პრეზიდენტმა არ დააკონკრეტა, კონკრეტულად ვის მიმართ იყო გაკეთებული მისი ეს განცხადება.