ვლადიმერ პუტინი სააღდგომოდ სალოცავად ეკლესიაში მივა

უკრაინაში ომის პარალელურად რუსეთის პრეზიდენტი ვლადიმერ პუტინი სააღდგომოდ ეკლესიაში სალოცავად მივა. ამის შესახებ კრემლის პრესსპიკერმა დიმიტრი პესკოვმა ჟურნალისტებთან საუბრის დროს განაცხადა.

„ველით, რომ აღდგომაზე ეკლესიას ეწვევა, როგორც ამას ტრადიციულად აკეთებს“, - თქვა პესკოვმა.

ამავდროულად რუსეთს მოუწოდებენ, რომ აღდგომის დღეებში უკრაინაში ცეცხლი შეწყვიტოს. თუმცა გაეროში უკრაინის მუდმივი წარმომადგენელი სერგეი კისლიცია აცხადებს, რომ რუსეთმა შეთავაზებაზე უარი განაცხადა.