VIDEO: ვრცელდება კადიროვის კაბინეტში გადაღებული კადრები... - ნახეთ რა ღირს ნივთი, რომელიც მის ოთახში დააფიქსირეს

ჩეჩნეთის რესპუბლიკის მეთაურ რამზან კადიროვს კაბინეტში Louis Vuitton-ის კრივის დასარტყამი ტომარა აქვს, რომლის ღირებულებაც 175 ათასი დოლარია (10 მილიონ რუბლზე მეტი). ინფორმაციას რუსული მედია ავრცელებს.

კადიროვის კაბინეტში არსებული ძვირადღირებული ნივთი, ტელეარხ "გროზნის" საინფორმაციო გამოშვების დროს გამოჩნდა.

კადრებში, ასევე, ჩანს იმავე ბრენდის ჩანთა, სავარაუდოდ, კრივის ხელთათმანებისთვის და ტომრის შესანახი ფუტლიარი.

კადიროვის პრესსამსახურის მიერ გამოქვეყნებულ ადრეულ ფოტოებში, მაგალითად ივნისში, ინტერიერის ეს ელემენტი არ ჩანს.