ვატიკანში შობა აღნიშნეს - რომის პაპმა წმინდა პეტრეს ბაზილიკაში წმინდა კარი გახსნა

რომის პაპმა ფრანცისკე I-მა შობის დღესასწაულის აღნიშვნა წმინდა პეტრეს ბაზილიკაში წმინდა კარის გაღებით დაიწყო, ცერემონიას ათასობით ადამიანი დაესწრო. რომის პაპი მსოფლიოს დღეს ტრადიციული სიტყვით მიმართავს, - იუწყება Euronews-ი.

მას შემდეგ, რაც პირველი იუბილე, ანუ წმინდა წელი აღინიშნა 1300 წელს, არსებობდა საეკლესიო ტრადიცია ინდულგენციის მისაღებად (რომის პაპის მიერ ცოდვების მისატევებლად გაცემული სიგელი) ამ და სხვა ბაზილიკაში გახსნილი კარიბჭის გავლით.

რომის პაპმა ფრანცისკე I-მა ამ ტრადიციის აღდგენა 2015 წელს დაიწყო. 2025 წელს ამ ტრადიციის მეორე წლისთავია, რომელიც რომის პაპის მიერ არის ორგანიზებული.

2025 წლის წმინდა წლის მთავარი იდეა იმედისა და ნდობის განმტკიცებაა. რომი ემზადება 2025 წელს 30 მილიონი მომლოცველის მისაღებად. იტალიის დედაქალაქში დამატებითი უსაფრთხოების ზომები შემოიღეს გერმანიაში მომხდარი ინციდენტის შემდეგ, რომლის დროსაც საშობაო ბაზრობაზე 50 წლის საუდის არაბეთის მოქალაქე მანქანით შევარდა.