უკრაინის საგარეო საქმეთა სამინისტროს სპიკერი: საუდის არაბეთში მოლაპარაკებებით უკრაინამ სტრატეგიული დიპლომატიური ინიციატივის ხელში აღება და წარმატებული შედეგის მიღწევა შეძლო

უკრაინის საგარეო საქმეთა სამინისტროს სპიკერი, გიორგი ტიხი აცხადებს, რომ საუდის არაბეთში რვა საათიანი მოლაპარაკებებით უკრაინამ სტრატეგიული დიპლომატიური ინიციატივის ხელში აღება და წარმატებული შედეგის მიღწევა შეძლო.

სოციალურ ქსელში დიპლომატმა დაწერა, რომ უკრაინულ მხარეს მძიმე კომპრომისებზე წასვლაც მოუწია, თუმცა ხანგრძლივ დისკუსიებში გადამწყვეტი როლი უკრაინის პრეზიდენტმა, ვოლოდიმირ ზელენსკიმ შეასრულა, რომელიც უკრაინულ დელეგაციასთან დისტანციურ კონტაქტზე იყო.