„უკრაინა ელოდება სიგნალს გაეროსგან და თურქეთისგან, რომ მარცვლეულის ექსპორტი დაიწყოს“ - ვოლოდიმირ ზელენსკი

ზელენსკი

უკრაინა მზადაა, თურქეთთან, რუსეთთან და გაეროსთან გაფორმებული შეთანხმების მიხედვით, მარცვლეულის გადაზიდვა დაიწყოს, - განაცხადა ვოლოდიმირ ზელენსკიმ.

უკრაინის პრეზიდენტის თმით, ქვეყანა ახლა პარტნიორებისგან სიგნალის მიღების მოლოდინშია.

„ჩვენი მხარე სრულ მზადყოფნაშია. ჩვენ ყველა სიგნალი გავუგზავნეთ ჩვენს პარტნიორებს - გაეროს, თურქეთს, ჩვენი შეიარაღებული ძალები უსაფრთხოების გარანტიას იძლევიან. ინფრასტრუქტურის მინისტრი პირდაპირ კავშირშია თურქულ მხარესთან და გაეროსთან. ველოდებით მათგან სიგნალს, რომ დაწყება შეგვიძლია“, - განაცხადა ვოლოდიმირ ზელენსკიმ.

გაერთიანებული ერების ორგანიზაციაში აცხადებენ, რომ პირველი გადაზიდვები შესაძლოა პარასკევს დაიწყოს.

პირველად 24 თებერვლის შემდეგ, უკრაინის საზღვაო პორტებში მუშაობა განახლდა - უკრაინის ინფრასტრუქტურის სამინისტროს ინფორმაციით, მარცვლეულით დატვირთული 10 გემი გასასვლელად მზად არის.