თურქეთში, საქართველოს კიდევ ერთი მოქალაქე დაიღუპა - საგარეო

საქართველოს საგარეო საქმეთა სამინისტროს ინფორმაციით, თურქეთში, მიწისძვრის შედეგად საქართველოს კიდევ ერთი მოქალაქე დაიღუპა. 

,,თურქეთის რესპუბლიკაში საქართველოს საელჩოში შემოვიდა შეტყობინება მიწისძვრის შედეგად საქართველოს კიდევ ერთი მოქალაქის გარდაცვალების შესახებ. საელჩოს თურქეთის ქ. ანთაქიაში საქართველოს კიდევ ერთი მოქალაქის - ო.ც. გარდაცვალების შესახებ თვითმხილველმა აცნობა. 

საქართველოს დიპლომატიური წარმომადგენლობები 24 საათიან რეჟიმში მუშაობენ თურქეთში მყოფი საქართველოს მოქალაქეების თაობაზე ინფორმაციის მიღების და მათი დახმარების მიზნით. საელჩო ხაზზეა გარდაცვლილის ოჯახთან, ასევე თურქეთის შესაბამის უწყებებთან", - ნათქვამია განცხადებაში. 

ცნობისთვის, დღეს გავრცელდა ინფორმაცია, რომ თურქეთში, დამანგრეველ მიწისძვრას ემსხვერპლა კიდევ ერთი ემიგრანტი.

დაღუპული 67 წლის ნანი ზარანდიაა.

ბოლო მონაცემებით, თურქეთსა და სირიაში, მიწისძვრის შედეგად დაღუპულთა რიცხვმა 2 300-ს გადააჭარბა.