თურქეთში კიდევ ერთი მიწისძვრა მოხდა

თურქეთში, დღეს მორიგი მიწისძვრა მოხდა.

მიწისქვეშა ბიძგების სიმძლავრემ 4.0 მაგნიტუდა შეადგინა.

მიწისძვრის ეპიცენტრი სილივრის სანაპიროსთან 7 კმ სიღრმეში მდებარეობდა.

შეგახსენებთ, გუშინ, სტამბოლში მომხდარმა 6,2 მაგნიტუდის სიმძლავრის მიწისძვრამ პანიკა გამოიწვია. მოქალაქეების ნაწილმა, ღამე ქუჩაში და სკვერებში გაშლილ კარვებში გაატარა.

ქვეყანაში გუშინ სულ 184 მიწისძვრა დაფიქსირდა, მათგან შვიდი 4 ან მეტი მაგნიტუდის სიმძლავრის იყო.

გუშინ მომხდარ მიწისძვრას სტამბოლში ნგრევა მოჰყვა. დაშავდა 151 ადამიანი.