ტრამპის საქმის პროკურორი ჩვენს დემოკრატიულ პროცესში ჩარევას ცდილობს - კევინ მაკარტი

აშშ-ის წარმომადგენელთა პალატის სპიკერმა, კევინ მაკარტიმ განაცხადა, რომ დონალდ ტრამპის საქმის პროკურორი, ელვინ ბრეგი დემოკრატიულ პროცესში ჩარევას ცდილობს.

„ელვინ ბრეგი ჩვენს დემოკრატიულ პროცესში ჩარევას ცდილობს პრეზიდენტ ტრამპის წინააღმდეგ პოლიტიზებული ბრალდებების წაყენების გზით. ცხადია, ის ამისთვის ფედერალურ სახსრებს იყენებს და ამავდროულად ამტკიცებს, რომ კონგრესში ხალხის წარმომადგენლებს არ აქვთ იურისდიქცია ამ ფარსის გამოსაძიებლად. ეს ასე არ არის. კონგრესი პასუხისმგებლობას დააკისრებს ბრეგის მიერ ფედერალური მართლმსაჯულების იარაღად გამოყენების პროცესს“, - აღნიშნა კევინ მაკარტიმ.