თეთრ სახლში აცხადებენ, რომ ირანი ისრაელის წინააღმდეგ ბალისტიკური რაკეტებით შეტევისთვის ემზადება

ირანი უახლოეს მომავალში ისრაელის წინააღმდეგ ბალისტიკური რაკეტებით შეტევისთვის ემზადება. ინფორმაციას ამის შესახებ, თეთრი სახლის წარმომადგენელზე დაყრდნობით, „სიენენი“ ავრცელებს.

მედიის ცნობით, არ კონკრეტდება ზუსტი თარიღი, თუ როდის განხორციელდება ისრაელზე თავდასხმა.

„ირანის მხრიდან ისრაელის წინააღმდეგ პირდაპირი სამხედრო თავდასხმა ირანისთვის მძიმე შედეგებს გამოიწვევს“, – აცხადებს თეთრი სახლის წარმომადგენელი.

მაღალჩინოსნის თქმით ,აშშ მხარს უჭერს ისრაელს, რათა თავი დაიცვას მოსალოდნელი თავდასხმებისგან და მზად არის მას დაეხმაროს.