ტაილანდის ყურეში სამხედრო ხომალდი ჩაიძირა, მაშველები 30-ზე მეტ სამხედროს ეძებენ

ტაილანდის ყურეში შტორმის დროს სამხედრო გემი ჩაიძირა. ამის შესახებ BBC წერს.

გამოცემის ცნობით, ბორტზე 100-ზე მეტი ეკიპაჟის წევრი იმყოფებოდა, 31 მეზღვაური უგზო-უკვლოდ დაკარგულად ითვლება.

ამავე ცნობით,  ბორტზე მყოფი ეკიპაჟის 75 წევრი გადაარჩინეს.

„12 საათზე მეტი გავიდა, მაგრამ ჩვენ გავაგრძელებთ ძებნას“, - განაცხადა საზღვაო ძალების წარმომადგენელმა.

საზღვაო ძალების წარმომადგენლის ცნობით, მომხდარზე გამოძიება დაიწყო.

„ეს თითქმის არასოდეს მომხდარა ჩვენი ძალების ისტორიაში, განსაკუთრებით გემზე, რომელიც ჯერ კიდევ აქტიურ გამოყენებაშია“, - აღნიშნა საზღვაო ძალების წარმომადგენელმა.