საუდის არაბეთის თავდაცვის სამინისტროს განცხადებით, ერ-რიადში მდებარე აშშ-ის საელჩო დრონებით დაიბომბა

საუდის არაბეთის დედაქალაქ ერ-რიადში მდებარე აშშ-ის საელჩო ორი დრონით დაიბომბა. ინფორმაციას Reuters-ი საუდის არაბეთის თავდაცვის სამინისტროზე დაყრდნობით ავრცელებს.

სააგენტოს ცნობით, თავდასხმა ირანის მიერ სპარსეთის ყურის ქვეყნებზე შეტევის ფარგლებში მოხდა. Reuters-ი მკითხველს შეახსენებს, რომ ირანი სპარსეთის ყურის იმ ქვეყნებს უტევს, სადაც ამერიკული სამხედრო ბაზებია განლაგებული.

როგორც თვითმხილველები ჰყვებიან, დილით ადრე აშშ-ის საელჩოში აფეთქების ხმა გაისმა, რის შემდეგაც შენობაში ცეცხლი გაჩნდა, თუმცა მისი ჩაქრობა მალევე მოხერხდა.

შავი კვამლი ჩანდა ერ-რიადის დიპლომატიურ კვარტალშიც, სადაც უცხო ქვეყნების დიპლომატიური მისიებია განლაგებული. დაშავებულებისა და დაღუპულების შესახებ ინფორმაცია არ ვრცელდება.