საბერძნეთში ტყის ხანძრის გამო ევაკუაცია განხორციელდა

საბერძნეთის ქალაქ სალონიკის მახლობლად ტყის ხანძარი გაჩნდა, რის გამოც 3 დასახლებული პუნქტის მოსახლეობის ევაკუაცია გახდა საჭირო. ქვეყნის სახანძრო სამსახურის მონაცემებით, ხანძარი დაახლოებით 20:30 საათზე, მთებში გაჩნდა და სწრაფად გავრცელდა ბარში, სადაც ძირითადად ბუჩქნარი დაიწვა. უწყებამ აღნიშნა, რომ საცხოვრებელი სახლები არ დაზიანებულა, თუმცა ზიანი მიადგა რამდენიმე საწარმოს.

ღამით ხელისუფლებამ განაცხადა, რომ ცეცხლის გაჩენის ეჭვით დაკავებულია 76 წლის კაცი. საბერძნეთის სახანძრო სამსახურის ინფორმაციით, მას „სიმთვრალის ნიშნები ეტყობოდა“.