რუსეთმა ნიკოლაევი დრონებით დაბომბა. რამდენიმე ადამიანი დაშავდა

რუსეთის შეიარაღებულმა ძალებმა უპილოტო საფრენი აპარატების გამოყენებით უკრაინის ქალაქი ნიკოლაევი დაბომბა. ინფორმაციას ნიკოლაევის საოლქო სამხედრო ადმინისტრაციის უფროსი, ვიტალი კიმი „ტელეგრამის“ საკუთარ არხზე ავრცელებს.

მისი ინფორმაციით, დაბომბვის შედეგად რამდენიმე ადამიანი დაშავდა. ორ მათგანს ჰოსპიტალიზაცია დასჭირდა. დანარჩენებს სამედიცინო დახმარება ადგილზე გაეწიათ.

რუსეთის დაბომბვას ნიკოლაევში ნგრევა და ხანძარი მოჰყვა. ადგილზე სახანძრო-სამაშველო ჯგუფები მუშაობენ.